بالفيديو| أمجد جلال: الدولار .. ناااار .. ونساهم في تقديم حل

حل أزمة ارتفاع الدولار موجود بإذن الله..

الأول لازم نعرف ليه الدولار زاد

طيب إنا بنجيب الدولار من فين؟

الحل في اخر الفيديو إنشاء الله

وإذا عجبك الحل شييير حتى يوصل السيد الرئيس

ونبدأ الحلقة على بركة الله

بسم الله الله الرحمن الرحيم

قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ * لا شَرِيكَ لَهُ وَبِذَلِكَ أُمِرْتُ وَأَنَا أَوَّلُ الْمُسْلِمِينَ

صدق الله العظيم

الحلقة دي استثنائية مكنتش ناوي أعملها خالص بس الظروف حكمت عشان لاقيت عندي الحل وربنا يوفق ونقدر نساعد إن شاء الله.

الاول نقول ليه الدولار زاد؟

علشان أوقات الصادرات بتقل.. بسبب الأزمات الاقتصادية سواء داخلية أو خارجية، زى الحرب التجارية بين الصين وأمريكا وأزمة وباء كورونا والحرب الروسية الأوكرانية مؤخرا.. وده بيخلى الكمية المتاحة من الدولار بتقل وطبيعى سعرها يزيد.

طيب احنا بنجيب الدولار من فين؟

احنا بيجيلنا العملة الصعبة من السياحة وقناة السويس والصادرات وتحويلات المصريين العاملين في الخارج.. وفى نفس الوقت بنصرف العملة الصعبة دى على الواردات من السلع والخدمات اللى بنستوردها من الخارج.

طيب السياحة كانت جايبة وحسب الاحصائيات : 13 مليار دولار في 2021

وقناة السويس كانت جايبة حسب الاحصائيات : أعلى إيراد سنوي في تاريخها بلغ 6.3 مليار دولار.

والصادرات كانت جايبة حسب الاحصائيات: 42 مليار دولار صادرات مصر السلعية والبترولية خلال العام 2021. منها 10 مليارات دولار.

وتحويلات المصريين في الخارج حسب الاحصائيات: 31.5 مليار دولار.

يبقى هنقول وبالترتيب كده ا

١ – الصادرات : : 42 مليار دولار أعلى حاجة

٢ – تحويلات المصريين في الخارج: 31.5 مليار دولار.

٣ – السياحة : 13 مليار دولار في 2021

٤ – قناة السويس: 6.3 مليار دولار.

طيب إزاي ننمي الاربع مصادر دي علشان يدخل دولار كتير لمصر وبشكل سريع الصادرات لازم تزيد طبعاً بس إزاي دي إجراءات كتير ممكن حد خبير يقدر يقول حلول فيها أكتر مني.

تحويلات المصريين في الخارج وده هو مربط الفرس.. هنتكلم عليها في الاخر بس خلينا نكمل

٣ – السياحة مضروبة بالنار اليومين دول وربنا يعين الناس إلي شغالة في السياحة

٤ – قناة السويس مش هتقدر تعمل فيها حاجة كتير عشان الخيوط مش في إيدك

هنرجع تاني لمربط الفرس المصريين في الخارج دول بيبعتوا فلوس خالصة مخلصة مقشرة زي مابيقولوا وهنا بقى عاوز أقولك وعن تجربة طبعاً انا مش خبير اقتصادي ولكن لي تجربة فريدة من نوعها في عام ٢٠١٢ وحتى عام ٢٠١٥ عملنا مبادرة اسمها “أكيد وانت بعيد تقدر تساعد” لتشجيع المصريين للتحويل لمصر بحوافز بسيطة إذا قورنت بحوافز دولة زي مصر .

وعاوز أقول إن في شهر واحد بس المصريين في الكويت حولى أكثر من نص مليار جنيه وده عن طريق شركة صرافة واحدة بس في شهر واحد بس بمجهود مجموعة بسيطة جداً ليس لهم أي صلاحيات في الدولة فدي تجربتي مع المصريين في الخارج ممكن يعملوا المستحيل.. طيب الحل إيه.. الحل هو عمل شركة للمصريين في الخارج يكون رئيس مجلس إداراتها السيد رئيس الجمهورية شخصياً عشان الناس تطمن وإذا اطمأن المصريين في الخارج ياريس مش هقولك ممكن يعملوا إيه

وبعدين ده شقى عمرهم مش هينفع يفرطوا فيه بسهولة ومش هينفع يحطوا فلوسهم مع حد هم مش واثقين فيه..والمصريين في الخارج واثقين فيك ياريس بإذن الله.. الشركة دي لو أعلنت عنها ياريس وإنك أنت رئيس مجلس إدارتها بكره الصبح هيكون عندك مليارات ملهاش عدد مع مراعات إن المصريين في الخارج الاغلبية العظمى منها موظفين يعني محدودي الدخل يعني المشاركة فيها أو في اسمهما لازم تكون بسيطة يعني السهم سعره بسيط..

كل برغوت على أد دمه ياريس يارب تكون رسلتي وصلتك ياريس.. وشكرا لكم

 

المصادر:

ليه الدولار سعره بيزيد

———————————–

السفير المصري: 610 ملايين جنيه حصيلة مبادرة موقع «مصريون في الكويت»

—————————————–

شاهد مبادرة موقع (مصريون في الكويت) أكيد وأنت بعيد تقدر تساعد لتحويل الأموال إلي مصر

——————————————————————–

ذكريات عيد الثورة.. 610 مليون جنيه حصيلة مبادرة مصريون في الكويت لدعم الاقتصاد المصري

———————————–

مصر: قناة السويس تحقق أعلى إيراد سنوي في تاريخها

——————————————————————–

42 مليار دولار صادرات مصر السلعية والبترولية خلال العام 2021

——————————————–

مصر: إيرادات السياحة تتجاوز 13 مليار دولار في 2021

———————————————-

مبادرة من موقع “مصريون في الكويت” لتحويل العملة الصعبة إلى مصر في ذكرى الثورة

#أمجد_جلال

#سعر_الدولار

#حل_أزمة-الدولار

#مصريون_في_الكويت

#الكويت

#مصر