(نداء واستغاثة) إلى سيادة رئيس الجمهورية والقائد الأعلى للقوات المسلحة/ عبد الفتاح السيسي، وإلى سيادة الفريق أول/ عبد المجيد صقر وزير الدفاع، وإلى قيادات المجلس الأعلى للقوات المسلحة، أما بعد يا سيادة الرئيس.. حازم ابنك ياريس.. حازم دخل الجيش قوي البنيان وجسم رياضي، خرج رفد من الجيش بعد تاني سنة عشان جاله السرطان وأصبح هو بمفرده في مواجهة مباشرة لهذا المرض اللعين وجها لوجه.
ولم يصرف له معاش أو تعويض على ما جرى له.. حازم ابنك يا ريس.. من ثلاثة أيام كان بيحاول ينتحر وانقطع عن العلاج عشان اتبهدل في المواصلات والنوم أمام المعهد في الهواء الطلق.
يوم الأربعاء 2/7 أخد جرعة إشعاع نووي والخميس والجمعة المعهد كان إجازة. ويوم السبت 5/7 أخد جرعة إشعاع نووي وبات في الشارع خلف المعهد في شارع قصر العيني، ويوم الأحد 6/7 أخد جرعة إشعاع نووي وراح البحيرة وقال مش راجع تاني عشان تعب من البهدلة اللي بيشوفها في المواصلات وإحراجه من القيء الزايد عنده في المواصلات وتأذي بعض الركاب في المكروباص، بالإضافة إلى الصداع الرهيب بسبب الضغط الزايد في المخ وتكسير في العظم وارتفاع درجات الحرارة.
وعشان بيركب 3 عربيات من البحيرة إلى المعهد عشان مالوش سرير فاضي، ولولا واحد جارنا أخده بعربيته الأحد اللي فات وأقنعه إنه يروح طوارئ المعهد بليل بالعافية ويكمل علاج الإشعاع النووي بتاعه تاني وأنه هيكون كويس وهيحجزه بإذن الله داخل المعهد، ووعده لو مفيش سرير هيقعده في فندق برة جنب المعهد والطوارئ عشان يرحمه من بهدلة المواصلات والجو الحر، وخصوصاً أن المناعة منخفضة جدا، وضغط المخ زايد وطارد العين برة زي ما حضرتك شايف في الصور، وهذا ما قد كان، أخد جرعة الإشعاع يوم الإثنين وللأسف ماكنش فيه سرير فاضي وحجز لهم في فندق في جاردن ستي.
حازم ابنك ياريس.. مالوش مصدر دخل خالص وهو يتيم الأب والأم سيدة مسنة ويعيل أسرة.. حازم ابنك ياريس.. وإحنا واثقين في حضرتك إنك هترد حقه وتقف جنبه وهتنصره وهترسم ليه مستقبله وتأمن له حياة أفضل..
وأخيراً نتقدم بشكر والتقدير إلى الدكتورة رفياء قسم الطوارئ والدكتورة داليا مديرة العيادات بمعهد القومي للأورام لحجز حازم في معهد الأورام.
للتواصل لمعرفة حالة حازم وآخر التطورات/ محمد عاشور 01111540005 #شكاوي_مجلس_الوزارة #معالي_وزير_الدفاع #قيادة_المنطقة_الشمالية #مجلسالوزاراء #مجلسـالوزراء #القاهرة #المجلس #مصر #وزارة #وزارةالشباب #معالي_رئيس_الجمهورية #تحدي #تحيامصر #تحياتي #عبدالفتاحالسيسي #جمله #رئيس_الجمهورية #مصري #مصرالجديدة #التجمع #التجمعالخامس #مدينتي #الرحاب #شارع #حكايات #حكاية #شاهد #شالية #شاليهات #شالات #شقة
