انا سافرت من برج العرب يوم الثلاثاء ١٣/٦ انا و ابني على طيران الجزيرة كنت رايحة لزوجي في الكويت و انا بوزن لقيت عندي وزن زيادة لقيت ورايا شاب اسمر مكنش معاه وزن طلبت منه انه ياخد مني شنطة و سألته اذا كان رايح الكويت على طيارة الجزيرة قالي اه كتر الف خيره لما لقاني دايخة بابني اخد الشنطة و كمان طلع معايا لحد ما ركبني الطيارة و راح قعد على كرسيه انا معرفش عنه اي معلومة و لا حتى اسمه و تكت الشنطة كان معاه لما نزلت مطار الكويت ملقتهوش و لا لقيت الشنطة نزلت على السير و لما انهارت و قعدت اسال قالولي انه ممكن يكون نزل الكويت ترانزيت.
و في الحالة دي الشنط مش بتنزل على السير و هو نفسه بيكون موجود في قاعة تانية حاولت كتير اتحايل عليهم يدخلوني المكان اللي فيه اللي منتظرين الترانزيت لكنهم رفضو لاني كنت ختمت الباسبور الشنطة دي فيها حوالي ٢٠ كيلو فيها كل هدومي انا و ابني و علاج و الله و محتجينه جدا انا و ابني و الله و غالي جدا و معنديش روشتة بيه و لا اقدر أجيبه من هنا و في متعلقات شخصية بتاعتي كمان انا معرفش الترانزيت كان رايح فين.
