تعرضت الفنانة منة عرفة للهجوم من أحد متابعيها عبر موقع الصور والفيديوهات "انستجرام"، يتهمها أنها لا تعرف شئ عن دينها، وكتبت متابعة أخرى معلقة: "وَاتَّقُوا يَوْمًا تُرْجَعُونَ فِيهِ إِلَى اللَّهِ".
وردت منة على هذا التعليق من خلال مقطع فيديو نشرته عبر صفحتها الرسمية على "فيسبوك" قائلة: "معرفش هي شايفاني كافرة ولا إيه؟ أنا رديت عليها وقولتلها أنتِ متعرفيش علاقتي بربنا عشان تكتبي كده، واللي أنا اتربيت عليه أن علاقتي بربنا شيء خاص ومش من حق أي حد أنه يتدخل فيها".
أضافت: "لما أنا رديت عليها وقلت كده لقيت حد تاني داخل يدافع ويقولي: هو أنتِ بتتكلمي في الدين ليه هو أنتِ أصلا تعرفي حاجة عن الدين ولا أصلا مسلمة ولا تعرفي حاجة عن دينك اسكتي اسكتي.. لا أنا الحمد لله مسلمة، والحمد لله أعرف كتير عن ديني، ومش من حق أي حد أنه يقيم علاقتي بربنا، ودي حاجة تخصني".
تابعت: "الحمد لله أنا مسلمة وأفتخر أني مسلمة، وموضوع ديني حاجة تخصني وحاجة بيني وبين ربنا، ياريت محدش يتدخل في حاجة ملوش فيها، مينفعش حد يجي يقولي أنتِ أصلا مسلمة وأنتِ كافرة وأنتِ تعرفي إيه عن دينك وبتاع، أنا عمري ما هسمح بالكلام ده، ومن حقكم بس تنتقدوا شغلي لكن حياتي الخاصة محدش له دعوة بيها وحاجة بتاعتي".
اختتمت: "في ناس فاكرة أن الممثلين ناس ميعرفوش ربنا، لا على فكرة يا جماعة إحنا نعرف ربنا زيّكم كويس، وأنا أهلي ربوني على الصح والغلط، وأنا مسلمة والحمد لله".