قليل الحيلة بقلم.. منى يعقوب
وبقيت قليل الحيلة وأنا شايفك بتتألمى
وعامل منيش سامع كلامك وأنتِ بتتكلمى
بقيت ندل وجبان وأنتِ فاكرانى زى زمان.
لما كنت أموت علشانك بس تحسى بأمان
بقيت قليلة الحيلة وأنتِ رغم الألم لسه جميلة.
أنا مات جوايا الحلم وأنت عايشة فى الأحلام
أنا فى البعد عنك بقدر أعيش واضحك وانام.
أنا مش أنا بقيت حد تانى غير اللى أنتِ عرفاه.
بقيت أنانى وفاضل ايه تانى علشان تستنى وياه.
أنا العاشق الكداب وانتِ الملاك فوق السحاب.
أنا العاصي العجوز وانتِ الجميلة فى عز الشباب.
